لاہور (تادیب) آج یعنی 3مئی 2026ءکو دُنیا بھر میں عالمی یومِ آزادیٔ صحافت منایا جارہا ہے۔آج کا دن ہمیں اس بنیادی حق کی یاد دلاتا ہے جو کسی بھی مہذب معاشرے کی بنیاد ہے،آزادیٔ صحافت۔ ایک آزاد صحافت نہ صرف سچائی کی آواز ہوتی ہے بلکہ عوام اور اقتدار کے درمیان ایک مضبوط پل کا کردار بھی ادا کرتی ہے۔صحافت وہ آئینہ ہے جس میں معاشرے کی اصل تصویر نظر آتی ہے۔ جب اس آئینے کو دھندلا کرنے کی کوشش کی جاتی ہے، تو حقیقت بھی چھپ جاتی ہے۔ صحافیوں کا کام صرف خبریں دینا نہیں بلکہ حقائق کو بے نقاب کرنا، مظلوم کی آواز بننا اور انصاف کی راہ ہموار کرنا بھی ہے۔
بدقسمتی سے دنیا کے کئی حصوں میں صحافی آج بھی دباؤ، دھمکیوں اور پابندیوں کا سامنا کر رہے ہیں۔ ایسے حالات میں آزادیٔ صحافت کا تحفظ ہم سب کی مشترکہ ذمہ داری ہے۔آئیے عہد کریں کہ ہم سچ کا ساتھ دیں گے، حق کی آواز کو بلند کریں گے اور ایک ایسے معاشرے کے قیام میں اپنا کردار ادا کریں گے جہاں قلم آزاد ہو اور اظہار بے خوف۔
*******
