لاہور (تادیب) ویٹی کن سٹی کے جاری بیان میں پوپ فرانس خورخے ماریو برگولیو کی 88 برس کی عمر میں انتقال کی تصدیق کی گئی ہے۔پوپ فرانسس رومن کیتھولک چرچ کے پہلے لاطینی امریکی رہنما تھے اور طویل بیماری کے بعد چند روز قبل ہی صحت یاب ہو کرہسپتال سے ڈسچارج ہوئے تھے، پوپ فرانسس نے اتوار کو ایسٹر کے موقع پر لوگوں سے ملاقاتیں بھی کی تھیں۔یاد رہے کہ پوپ فرانسس کا نام خورخے ماریو برگولیو تھا اور اُنہوں نے 2013 میں پوپ بینڈکٹ کے استعفے کے بعد پوپ کا عہدہ سنبھالا تھا، پوپ فرانسس اس سے پہلے ارجنٹینا کے دارالحکومت بیونس آئرس کے آرچ بشپ تھے۔پوپ فرانسس گزشتہ کئی ماہ سے علیل تھے اور 14فروری2025 کو سانس کی شدید تکلیف کے باعث ہسپتال داخل کیا گیا تھا، نمونیا کے باعث پانچ ہفتے ہسپتال میں گزارنے کے بعد پوپ فرانسس گزشتہ ماہ ویٹی کن لوٹے تھے۔پاکستان سمیت دنیا بھر میں پوپ فرانس کے انتقال پرتمام مسیحی بالخصوص کاتھولک کلیسیا غمزدہ ہے۔(مے ہذ سول ریسٹ ان پیس)۔آمین
******
