دردِ ایسے چھپائے بیٹھا ہوں |
جیسے سب کچھ کمائے بیٹھا ہوں |
مَیں رقیبوں کے درمیاں رہ کر |
شمع اُس کو بنائے بیٹھا ہوں |
سر جھکایا نہیں ہے چوکھٹ پر |
آس مَیں بھی لگائے بیٹھا ہوں |
وہ حقیقت میں ڈھال سکتا ہے |
جو تصور بنائے بیٹھا ہوں |
مجھ پہ سکتہ نہیں ، مَیں آنکھوں میں |
اُس کی صورت سجائے بیٹھا ہوں |
بات سچ ہے کوئی کسی کا نہیں |
میں تو پھر بھی نبھائے بیٹھا ہوں |
میں بھی جاویدؔ ! دیکھ کر دُنیا |
چاک دامن بچائے بیٹھا ہوں |
دردِ ایسے چھپائے بیٹھا ہوں
![](https://tadeeb.org/wp-content/uploads/2022/11/WhatsApp-Image-2024-03-27-at-11.58.42-AM.jpeg)